Nepalda sý tasqynynan qaza tapqandar sany 97-ge jetti
ASTANA. QazAqparat - Nepalda sońǵy 3 kún boıy sý tasqyny men laı kóshkininen ajal qushqandar sany 97-ge jetti, dep habarlady 24.kz.
Buǵan deıin aqparat kózderi 85 adamnyń qaza bolǵany jaıly habarlaǵan bolatyn. Taǵy 113-i iz-túzsiz joǵalyp ketken. Sondaı-aq, tabıǵı apattan 54 adam jaraqat alǵan. Apat bolǵan aımaqtarǵa 2 myńǵa jýyq qutqarýshy men birneshe tikushaq jumyldyryldy. Aqparat kózderiniń habarlaýynsha, tolassyz jaýǵan jańbyrdan Nepaldyń tórtten bir bóligin sý shaıyp ketken.
