Nepalda sý tasqynynan bir adam qaza taýyp, 17 adam iz-túzsiz joǵaldy

KATMANDÝ. QazAqparat - Nepaldyń shyǵysyndaǵy Sankhývasabha aımaǵynda nóser jaýyn saldarynan bolǵan sý tasqynynan bir adam qaza taýyp, taǵy 17 adam iz-túzsiz joǵalyp ketti. Bul týraly jeksenbi kúni jergilikti polıtsııadan málimdedi, dep habarlaıdy QazAqparat Sınhýa agenttigine silteme jasap.

Jergilikti polıtsııa ókili Bırendra Godar senbi kúni keshke tolassyz jaýǵan jańbyr saldarynan Heva Khola ózeni arnasynan asyp, taǵy úsh adam zardap shekkenin habarlady.

Onyń aıtýynsha, 18 adam sý tasqyny kezinde jańadan salynyp jatqan Heva Khola sý elektr stantsııasynda jumys istegen.

Sý tasqyny birneshe úıdi, eki kópirdi jáne birneshe maldy alyp ketkenin aıtqan polıtsııa ókili jeksenbi kúni tańerteńge deıin tasqyn sýdyń beti qaıtpaı, qutqarý jumystaryn qıyndatqanyn jetkizdi

Maýsym aıynyń ortasynda Nepalda sý tasqyny men kóshkinderdiń saldarynan adam ólimine jáne múliktiń joıylýyna ákeletin mýssondyq maýsym bastalady.