Nepalda sý tasqynynan qaza tapqandar sany 95 adamǵa jetti
ASTANA. KAZINFORM – Sársenbide Nepaldyń soltústiginde bolǵan sý tasqynynan kem degende 95 adam qaza taýyp, taǵy 484 adam iz-túzsiz joǵaldy, dep habarlaıdy Sınhýa aqparat agenttigi.
Vedomstvo málimdemesine sáıkes, joǵalǵandardyń arasynda 391 sheteldik týrıst jáne 93 nepaldyq azamat bar. Nepal týrızm keńesiniń málimetinshe, iz-túzsiz joǵalǵan sheteldikterdiń arasynda Úndistannyń 134, AQSh-tyń 47, Ulybrıtanııanyń 33 jáne Aýstralııanyń 34 azamaty bar.
Buǵan deıin Bagmatı provıntsııasy polıtsııasynyń resmı ókili Radjendra Prasad Dhamala qaýipsizdik kúshteri zardap shekken aýdandardan 88 adamdy qutqarǵanyn habarlady.
Nepal premer-mınıstri Balendra Shah qutqarý jumystary men zardap shekkenderge kómek kórsetý sharalaryn talqylaý úshin úkimettiń shuǵyl otyrysyn ótkizdi.
Aqparatty Kazinform úshin arnaıy Sınhýa seriktes agenttigi usynǵan.
Osyǵan deıin Nepal-Qytaı shekarasynda sý tasqynynan keıin júzdegen týrıst iz-túzsiz joǵalǵanyn jazdyq.
Qazaqstannyń Syrtqy ister mınıstrligi Nepal men Qytaı shekarasy aýmaǵynda bolǵan sý tasqyny saldarynan zardap shekkender men habar-osharsyz ketkender arasynda Qazaqstan azamattary joq ekenin málimdedi.
