Nepalda sý tasqynynan qaza tapqandar sany 193-ke jetti
KATMANDÝ. KAZINFORM – Nepalda demalys kúnderi jaýǵan nóser jańbyr saldarynan bolǵan sý tasqyny men kóshkinnen qaza tapqandar sany 193-ke jetti. Dúısenbide qalpyna keltirý jáne qutqarý jumystary kúsheıdi, dep jazady AR.
Kóz jumǵandardyń kóbi es astanasy Katmandýda boldy, onda jaýyn-shashynnan qalanyń ońtústik bóligin sý basqan. Polıtsııa málimdemesinde iz-túzsiz joǵalyp ketken 31 adamnyń áli tabylmaǵany jáne 96 adamnyń jaralanǵanyn aıtylǵan.
Kóshkin Katmandýdan shamamen 16 shaqyrym (10 mıl) jerde jabylǵan tas jolda otyzǵa jýyq adamnyń ómirin qıdy. Tas jol jabylǵandyqtan jolda adamdar kólikterde uıyqtap jatqan. Kóshkin kem degende úsh avtobýs pen basqa kólikterdi basyp qalǵan.
Jumysshylar taýlardy shaıyp ketken tastardy, balshyqtardy jáne aǵashtardy alyp tastaý arqyly negizgi Prıthvı tas jolyn ýaqytsha qaıta asha aldy.
Іshki ister mınıstri baspanasynan aıyrylǵandar úshin ýaqytsha baspanalar salynyp, qaza bolǵandardyń otbasylary men sý tasqyny men kóshkinnen zardap shekkenderge qarjylaı kómek kórsetiletinin habarlady.
Aýa raıynyń jaqsarýy qutqarý jáne qalpyna keltirý jumystaryn jandandyrýǵa múmkindik berdi.
Senbi kúni sý basqan ońtústik Katmandý turǵyndary sý deńgeıi tómendeı bastaǵan kezde úılerin tazalaýǵa kirisken. Sý tasqynynan eń kóp zardap shekken Katmandýda kem degende 34 adam qaza tapty.
Qutqarýshylarǵa polıtsııa men sarbazdar kómektesti, aýyr tehnıkalar joldardy kóshkinnen tazartý úshin paıdalanylǵan. Úkimet Nepaldaǵy mektepter men kolledjderdi aldaǵy úsh kúnge jabatynyn habarlady.
Aıta keteıik, buǵan deıin Nepalda sý tasqyny men kóshkin saldarynan qaza bolǵandar sany 148-ge jetkenin jazǵan edik.
