Nepalda sý tasqyny men kóshkin saldarynan qaza bolǵandar sany 148-ge jetti
ASTANA. KAZINFORM – Jeksenbi kúni tústen keıin Nepalda nóser jańbyrdan soń paıda bolǵan sý tasqyny men kóshkinderdiń saldarynan barlyǵy 148 adam mert boldy, dep habarlaıdy Sınhýa agenttigi.
Tabıǵı apat saldarynan 101 adam zardap shegip, 55-i iz-túzsiz joǵalyp ketti, delingen Nepal polıtsııasynyń habarlamasynda.
Sonymen qatar onda qazirgi tańda zardap shekken 3 myń 661 adamnyń qutqarylǵany aıtylady.
Nepaldyń ortalyq bóligindegi Dhadıng okrýginde kóshkin basyp qalǵan 35 adamnyń denesi men úsh jolaýshylar avtobýsy shyǵaryldy, dep habarlady agenttikke óńirlik polıtsııa ókildiginiń ókili Navaradj Adhıkarı.
Quqyq qorǵaý organdarynyń derekterine qaraǵanda, jumadan senbige deıin toqtaýsyz jaýǵan nóser jaýyn saldarynan paıda bolǵan sý tasqyny men kóshkinderdiń saldarynan eldiń basty avtomagıstraldarynda jol joq. Sonyń saldarynan júzdegen adam qıyn jaǵdaıǵa tap boldy.
Osyǵan deıin Nepalda 27 qyrkúıekten bergi tolassyz jaýǵan jańbyrdan soń bolǵan sý tasqyny men kóshkinniń saldarynan úlken joldar jabylyp, ishki áýe qatynasy úzilip, kem degende 66 adam qaza tapqanyn jazdyq.
