Nepalda sheteldik týrıster mingen ushaq apatqa ushyrady
ASTANA. Tamyzdyń 24-i. QazAqparat - Nepalda sheteldik týrıster mingen shaǵyn jolaýshylar ushaǵy apatqa ushyrady. Qaıǵyly oqıǵa el ortalyǵy - Katmandý qalasynyń ońtústigine qaraı 80 shaqyrymdaı jerde ornalasqan Shıkharpýr eldi mekenine jaqyn jerde bolǵan, dep habarlaıdy RBK agenttigi.
Jergilikti Agni Air avıakompanııasynyń ushaǵynyń bortynda 15 jolaýshy jáne 3 ekıpaj múshesi bolǵan. Derek kózderdiń aqparaty boıynsha, jolaýshylardyń 12-si - Germanııa azamattary. Aldyn-ala málimetter boıynsha, apat saldarynan eshkim tiri qalmaǵan.
