Nepalda pilder shabýyl jasaǵan eldi mekenge áskerılerdi shaqyrýǵa týra keldi
ASTANA. QazAqparat - Nepaldyń ońtústik-batysynda pilderdiń shabýylynan keminde bir adam qaza taýyp, taǵy birneshe adam jaraqat aldy, dep habarlaıdy AR. Oqıǵa Prasenı eldi mekeninde oryn aldy.
Pilder adamdar turatyn mekenge 28 jeltoqsan kúni, sársenbide tańerteńgilik áli qarańǵy seıile qoımaǵan jáne tuman túsken sátte shabýyl jasady, dep málim etti jýrnalısterge jergilikti ákimshilik ókilderi.
Olardyń aıtýlarynsha, bılik tez arada arnaıy maqsattaǵy bólim qyzmetkerlerin aýylǵa jiberip, pilderdi ormanǵa qýdy. Zardap shekken turǵyndar aýrýhanalarǵa jatqyzyldy.
Prasenı aýyly Nepaldaǵy tanymal "Bardııa" ulttyq parkiniń mańynda ornalasqan. Munda pilder, jolbarystar, múıiztumsyqtar men kóptegen basqa da janýarlar bar. Degenmen janýarlardyń shabýylynan qaza tapqan oqıǵalar jıi kezdespeıdi.
