Nepalda pilder arasynda fýtbol matchy ótip jatyr
ASTANA. 1 qańtar. QazAqparat - Nepaldaǵy Ulttyq saıabaqtaǵy pilder festıvali aıasynda pilder men olardyń qaraýshylary arasynda fýtbol matchy ótip jatyr.
Atap aıtqanda, Katmandýdan 170 shaqyrym jerdegi jergilikti pilderdi ósirý ortalyǵynyń pilderi fýtbol jarysyna qatysty.
Jyl saıyn Nepalda búkil álem týrısteriniń nazaryn aýdartý úshin ótkiziletin týrnırdiń 30 mınýttyq matchynda pilder júgirip, dop qýyp, tipti birneshe gol da soqty, dep habarlady Mignews.
Nepalda 300-den astam pil bar. 100-den astamy qolǵa úıretilgen. Olardy qonaqúıler men ulttyq qoryqtar týrısterge djýnglıdi aralatý úshin paıdalanady.
