Nepalda orman órti órship tur
ASTANA. KAZINFORM – Nepaldyń ortalyq bóligin sharpyǵan orman órti aýyldardyń ınfraqurylymyna qaýip tóndiredi. Keı jerlerde mal qoralary qyzyl jalynǵa oranyp, qural-jabdyqtar men sý qubyrlaryna zaqym kelgen, dep jazady Euronews.
Órtten eń kóp zardap shekken Dhadıng aýdanyynda ornalasqan ormandar tórt kún qatarynan órtenip jatyr. Qyzyl jalyn eldi mekenderge jaqyndap, jergilikti turǵyndardy alańdatyp otyr.
Kúnniń ysýyna baılanysty jańa órt oshaǵy ásirese Nılkanta mýnıtsıpalıtetinde paıda boldy. Keı jerlerde órt sý qubyrlaryn zaqymdap, mal qoralaryn, otyn qoryn qıratty. Zardap shekken eldi mekenderde adamdar orman sharýashylyǵy basqarmasyn órtke durys jaýap bermegeni úshin synǵa alady.
Sınhýlıde alańdatarlyq jaǵdaı qalyptasty. BP tas jolynyń eki jaǵynda da órtenip jatqan orman órti saıahatshylarǵa qaýip tóndirdi, óıtkeni jalyn Banepa-Sındhýlı-Bardıbas baǵytynyń boıyndaǵy qaraǵaı aǵashtarǵa aýyz salǵan.
Buǵan deıin habarlanǵandaı, Nepalda sońǵy bir aıda órt saldarynan 22 adam qaza tapty.