Nepalda mýsson maýsymynda 43 adam kóz jumdy
NEPAL. KAZINFORM — Mamyr aıynyń sońynda bastalǵan mýsson maýsymynan beri Nepalda 43 adam qaza taýyp, 116 adam túrli jaraqat aldy. Bul týraly Tabıǵı apattar qaýpin azaıtý jáne baqylaý jónindegi ulttyq basqarma habarlady, dep jazady Sınhýa.
Sársenbi keshkisin jarııalanǵan esepke sáıkes, mýsson jańbyrlary nátıjesinde bolǵan 569 tabıǵı apatta 16 adam iz-tússiz joǵalǵan.
Eń kóp adam shyǵynyna ulasqan apat — sý tasqyny boldy. Odan 15 adam qaza taýyp, taǵy jeti adam zardap shekken. Odan keıingi orynda naızaǵaı — 14 adamnyń ómirin qıyp, taǵy 95 adamdy jaralaǵan. Al kóshkin 14 adamnyń ólimine sebep bolǵan.
Aıta keteıik, Nepalda mýsson maýsymy ádette qazan aıynyń basyna deıin jalǵasady.
Buǵan deıin Qytaı men Nepaldy baılanystyratyn kópir sý tasqynynan opyrylyp qulap, 18 adam iz-túzsiz joǵalyp ketkenin jazdyq.