Nepalda qus tumaýynyń oshaǵy tirkeldi
ASTANA. 16 tamyz. QazAqparat - Nepal bıligi el astanasy Katmandý mańyndaǵy aýdandardyń birinde barlyq taýyqtardyń kózin joıýdy tapsyrdy.
Atap aıtqanda, bul shara qus tumaýy vırýsynyń taralýyna tosqaýyl qoıý maqsatynda jasalyp jatyr, dep jazady VVS.
Belgili bolǵandaı, 500 myńǵa jýyq qus joıylatyn bolady. Aýdanda tótenshe jaǵdaı jarııalandy, sondaı-aq qus ónimderin satý men tasymaldaýǵa tyıym salyndy. Sońǵy úsh aptada bul aýdanda qus tumaýy indetin juqtyrýdyń 60-tan astam jaǵdaıy tirkelgen kórinedi.
