Nepalda kóshkin júrýi saldarynan 15 adam qaza tapty
ASTANA. QazAqparat - Nepalda kóshkin júrýi saldarynan 15 adam qaza tapty. Bul týraly Hindu gazeti habarlaıdy.
Nepaldyń ishki ister mınıstrliginiń aqparaty boıynsha, 11 adam Lýmle kentinde jáne taǵy tórteýi Dýdhe kentinde qaza tapqan. Eki eldi meken taýly aımaqta, Nepal astanasy Katmandý qalasynan batysqa qaraı 200 shaqyrym jerde ornalasqan, dep habarlaıdy TASS.
Qutqarýshylar oqıǵa ornynda jumysqa kiristi.
Qazirgi kezde Nepal men Úndistannyń kóptegen bóliginde jańbyr maýsymy júrip, sonyń saldarynan taýda únemi kóshkin júrip jatyr.
