Nepalda kólik apatynan qaza tapqandar sany 47 adamǵa jetti
ASTANA. QazAqparat - Nepaldyń batysynda ózenge qulaǵan avtobýsta qaza tapqandar sany 47 adamǵa jetti. Bul týraly «RIA Novostı» jergilikti polıtsııaǵa silteme jasaı otyryp habarlady.
Buǵan deıin taratylǵan aqparatta apattan barlyǵy 24 adam mert bolǵany aıtylǵan. Biraq, jeksenbi kúni avtobýsty ózennen alyp shyqqanda taǵy birneshe adamnyń máıiti tabylǵan.
Nepal joldary Gımalaı taýynyń silemderimen ótedi. Ol Azııadaǵy eń qaýipti joldar bolyp esepteledi.
