Nepalda qabylan 15 adamdy jep qoıdy
ASTANA. 5 qarasha. QazAqparat - Nepaldyń shetkeri ornalasqan aýdandarynyń birinde jergilikti bılik adam jegish qabylannyń kózin joıýǵa tyrysýda.
Bul týraly CNN habarlady.
Jergilikti polıtsııa ókiliniń sózine qaraǵanda, jyrtqysh ań kem degende 15 adamnyń ómirin jalmady. Olardyń basym denin balalar quraıdy.
Qabylan Nepal astanasy Katmandýdan shamamen 600 shaqyrym jerdegi ormandy alqapta jasyrynýda. Ony ustaý nemese óltirý osy ýaqytqa deıin múmkin bolmady. Jyrtqysh ań kóbine ormanǵa shybyq jınaýǵa nemese malǵa azyq jınaýǵa kelgen adamdarǵa shabýyl jasaıdy.
