Nepalda avtobýs quzdan qulap, 14 adam mert boldy
KATMANDÝ. QazAqparat – Nepalda avtobýs aýdarylyp, 14 adam qaza tapty jáne 18-i jaraqat aldy, dep habarlaıdy QazAqparat thehindu.com saıtyna silteme jasap.
Polıtsııanyń málimetinshe, jeksenbi kúni táý etýshiler mingen avtobýs tasjoldan shyǵyp ketip, quzdan qulap túsken. Sonyń saldarynan 14 adam qaza taýyp, 18-i túrli dene jaraqatyn aldy.
Basylym atap ótkendeı, táý etýshiler ındýıstik hramǵa baryp, úılerine qaıtyp bara jatqan. Avtobýs el astanasy Katmandýdan shyǵysqa qaraı 80 shaqyrym jerde apatqa ushyrady.
Qutqarýshylar zardap shekken jolaýshylardy shyǵaryp alyp, olarǵa kómek kórsetý úshin jaqyn jerdegi aýrýhanaǵa jetkizgen. Polıtsııanyń aqparatyna sáıkes, jol jańbyr men temperatýranyń tómendigine baılanysty taıǵaq bolǵan. Tańǵy tumannan jol da kórinbegen. Sondaı-aq, polıtsııa kólik quraly buzylǵan degen nusqany da qarastyryp jatyr.
Foto: www.arabnews.com
