Nepal mınıstrleri álemdik rekord ornatty
ASTANA. Jeltoqsannyń 4-i. QazAqparat - Nepal úkimetiniń mınıstrleri juma kúni ottegi maskalaryn kıip, Everest baýraıynda, teńiz deńgeıinen 5250 metr bıiktikte májilis ótkizdi. Sóıtip, mınıstrler arasynda álemdik rekord ornatyldy,
dep habarlaıdy «Maıak» radıosy.
Májilis ótetin orynǵa sheneýnikter tikushaqpen kóterildi.
«Taý basynda» jıyndy ótkizýdegi maqsat - jahandyq klımattyń ózgerýine jurtshylyqtyń nazaryn aýdarý boldy, keńes te osy máselege arnaldy.
Aıtpaqshy, qazan aıynda Maldıv aralynyń mınıstrleri dál osy problemany muhıtta, 6 metr tereńdikke súńgip, talqylaǵan bolatyn.
