Nepal qutqarýshylary jer silkinisinen 8 kún ótkennen keıin tiri qalǵan adamdardy tapty
ASTANA. QazAqparat - Qutqarý qyzmetiniń qyzmetkerleri jeksenbi kúni Nepaldyń soltústik-shyǵysyndaǵy úıindiler astynan qýatty jer silkinisinen keıin tiri qalǵan er adam men eki áıeldi tapty, dep habarlady jergilikti polıtsııa.
"Kanhan Khatrı (Kanchan Khatri), Gıan Kýmarı Khatrı (Gyan Kumari Khatri) jáne Dhan Kýmarı Khatrıdi (Dhan Kumari Khatri) búgin qaýipsizdik qyzmeti Sýaıýlı (Syauli) derevnıasy aýdanynda qutqaryp qaldy», - delingen nepaldyq polıtsııa habarlamasynda.
Budan buryn ókimet oryndary úıindiler astynan tiri qalǵan bireýlerdi tabýdan úmit úze bastaǵanyn málimdegen bolatyn, sonymen qatar qutqarýshylar shalǵaıdaǵy aýdandarǵa jetkende qurbandar sany kóbeıe túsýi múmkin ekendigin aıtqan edi.
Nepaldaǵy terbelisi 7,9 joıqyn jer silkinisi 25 sáýirde boldy. Onyń kindigi el astanasy Katmandýdan soltústik-batysqa qaraı 82 shaqyrym jerde, 15 shaqyrym tereńdikte boldy. Budan keıin kúndiz birneshe jerasty dúmpýleri oryn aldy. Sońǵy málimetter boıynsha, 7040 adam jer silkinisiniń qurbany boldy, 14397 adam jaraqattandy, dep habarlady RIA Novostı.
