Nepal-Qytaı shekarasyndaǵy kóshkin: qaza tapqandar sany 300-den asty
ASTANA.KAZINFORM — Qytaımen shekaradaǵy kóshkin saldarynan Nepalda qaza tapqandar sany artyp keledi, júzdegen jergilikti turǵyn men sheteldik azamat iz-túzsiz joǵalyp ketti, dep habarlaıdy agenttiktiń Beıjińdegi tilshisi.
Beısenbi kúni vedomstvolyq baspasóz máslıhatynda Qytaı Syrtqy ister mınıstrliginiń ókili Lın Tszıan Qytaı tarapy Nepal jaǵymen tyǵyz baılanys ornatyp, izdeý-qutqarý jumystaryn birlesip atqaryp jatqanyn aıtty.
— Zardap shekken aımaqtyń Nepal jaǵynda shamamen 100 qytaı azamaty áli de iz-túzsiz joǵalyp ketken. Nepaldaǵy Qytaı elshiligi bul aqparatty Nepal jaǵymen birlesip tekserip jatyr, — dep atap ótti ol.
Dıplomat zardap shekken aımaqtaǵy qytaı azamattaryn dereý qaýipsiz jerlerge kóshirýge jáne tabıǵı apattardyń áli de jalǵasý qaýpine baılanysty saqtyq sharalaryn qabyldaýǵa shaqyrdy.
Nepal polıtsııasy sońǵy qaza tapqandar sany 300-den asqanyn habarlady. Sol kúni Nepal týrızm basqarmasy 644 týrıstiń joǵalyp ketkenin habarlady, onyń ishinde shamamen 30 elden kelgen 517 sheteldik azamat jáne 127 jergilikti turǵyn bar, dep habarlaıdy Sınhýa.
Buǵan deıin biz Nepal-Qytaı shekarasynda sý tasqynynan júzdegen týrıst iz-túzsiz joǵalyp ketkenin habarlaǵan edik.
