Nepal-Qytaı shekarasynda sý tasqynynan keıin júzdegen týrıst iz-túzsiz joǵaldy
ASTANA. KAZINFORM — Kenetten bolǵan sý tasqyny Nepal-Qytaı shekarasyna jaqyn jerde kóshkin týdyryp, saldarynan júzdegen týrıst iz-túzsiz joǵalyp ketti, dep habarlaıdy CNN.
Apat saldarynan Qytaı jaǵyndaǵy portqa aparatyn joldardy jabylyp, baılanys pen elektr qýatymen qamtamasyz etý jelisi buzyldy.
Shekara ótkelimen jol qatynasy úzildi.
Nepal polıtsııasy kem degende 17 adamnyń qaza tapqanyn habarlady.
Eldiń týrızm basqarmasynyń málimdeýinshe, kem degende 400 saıahatshy iz-túzsiz joǵaldy, olardyń arasynda sheteldik azamattar bar.
Budan basqa, sý tasqyny saldarynan Nepaldyń soltústiginde salynyp jatqan gıdroenergetıkalyq jobanyń 60 jumysshysy iz-túzsiz joǵaldy.
Xinhua habarlaýynsha, QHR tóraǵasy Sı Tszınpın Nepaldaǵy kóshkinnen keıin joǵalyp ketken adamdardy izdeý jáne qutqarý úshin barlyq kúsh-jigerdi salýdy tapsyrdy.
Ol Qytaı qazirgi ýaqytta sý tasqynyn baqylaýdyń mańyzdy kezeńinde ekenin atap ótip, jergilikti bılik organdary men tıisti mekemelerdi eń nashar stsenarııler men tótenshe jaǵdaılarǵa daıyndalýǵa, sý tasqyny men taıfýnnyń aldyn alý sharalaryn tolyq júzege asyrýǵa jáne yqtımal táýekelder men qaýipterdi anyqtaý men azaıtýdy kúsheıtýge shaqyrdy.
Osyǵan deıin Qytaıdyń ońtústigindegi sý tasqynynan 159 adam qaza tapqanyn habarladyq.
