Nepal fýtbolshylaryna memleketke satqyndyq jasady degen aıyp taǵyldy
ASTANA. QazAqparat - Nepalda birqatar fýtbolshyǵa 2011 jyly álem chempıonatynyń irikteý týrnırinde aldyn ala sóz baılasyp, oınaǵany úshin memleketke opasyzdyq jasady degen aıyp taǵyldy, dep habarlady şeteldik BAQ.
Bılik málimdemesine sáıkes, oıynshylar úsh apta buryn tutqyndalǵan. Tergeýshiler olardyń bank esepshottarynda iri soma baryn anyqtady. Olar aqsha úshin oıynnan jeńilýge keliskeni úshin aıytpalmaq. Aıyptaý taraby eger olardyń kinási dáleldense, qatań jaza - ómir boıyna bas bostandyǵynan aıyrýdy suramaq. Olardyń ishinde qurama kapıtany Sagar Tapa, qaqpashy Rıtesh Tapa, sondaı-aq burynǵy bapker Keısı Andjan bar. Jergilikti fýtbol federatsııasy talqylaý aıaqtalǵanǵa deıin olarǵa alańǵa shyǵýǵa tyıym saldy. Aıyptalýshylarǵa qarsy sot isi jeksenbi kúni tirkeldi.
