Nepal bıligi Everest shyńyna shyǵýǵa salynǵan tyıymdy alyp tastady
NUR-SULTAN. QazAqparat — Nepal bıligi koronavırýs pandemııasyna baılanysty alpınıster úshin álemniń eń bıik núktesi Everestke (8849 m) shyǵýǵa salynǵan tyıymdy alyp tastady. Bul týraly QazAqparat Reuters agenttigine silteme jasap habarlaıdy.
Endi Everestke shyǵýǵa kelesi aıdan bastap ruqsat etilgen. Ol úshin COVID-19 vırýsynyń taralýyna jol bermeý boıynsha sharalardy qoldaný kerek. Nepalǵa keletin sheteldik alpınısterdiń mindetti túrde bir aptalyq karantınde bolýy jáne olardyń koronavırýsqa tapsyrǵan testiniń teris nátıje kórsetkenin dáleldeıtin anyqtamasy bolýy shart.
Nepal úkimeti Everestke shyǵýǵa bir jyl buryn koronavırýstyń taralýyna jol bermeý sharalary aıasynda tyıym salǵan bolǵan.
