Nepal azamaty 24 ret Everestke shyǵyp, óziniń álemdik rekordyn jańartty
NUR-SULTAN. QazAqparat - Nepal azamaty Kamı Rıta jıyrma tórtinshi ret Evereske shyǵyp, óziniń bir apta burynǵy álemdik rekordyn jańartty, dep habarlaıdy QazAqparat Kyodo agenttigine silteme jasap.
Eske sala keteıik, ótken aptada Gımalaıda tirshilik keship jatqan at tóbelindeı az ǵana sherp halqynyń ókili, 49 jastaǵy sherp ultynyń ókili Kamı Rıta Everesti kezekti ret baǵyndyryp, bir jyl buryn ornatqan rekordyn jańartqanyn habarlaǵan edik.
Sol kezde jergilikti bılik onyń bıiktigi 8848 metr keletin Djomolýngma shyńyna 07:50 mınýtta shyqqandyǵyn málimdegen.
Kamı Rıtanyń aıtýynsha, ol kem degende taǵy bir ret Evereske shyqpaq.
Bir qyzyǵy, Rıtadan ózge taǵy birneshe sherp Evereske jıyrma retten astam shyqqan.
Qazirge deıin Everesti baǵyndyrǵan alpınısterdiń sany 5 myńnyń aınalasynda. Olardyń ishindegi eń qarty japon ıÝıtıro Mıýra. 70 jasynda birinshi ret, al 75 jasynda ekinshi ret Jerdiń eń bıik shyńyn baǵyndyrǵan Mıýra 2013 jyly 80 jyldyǵyn toılaý úshin úshinshi ret Evereske kóterilgen.
