Nepal: aýa raıynyń qolaısyzdyǵynan alpınısterdi izdeý toqtatyldy
ASTANA. QazAqparat - Nepaldan túsken resmı habarlamaǵa qaraǵanda, burqasyn men qar kóshkini saldarynan qutqarýshylarǵa Annapýrna taýly alqaby aýmaǵyndaǵy alpınısterdi izdeý jumystaryn toqtatýǵa týra kelgen.
Endi negizgi kúsh qar astynan mert bolǵandardyń máıitterin qazýǵa jumyldyrylyp otyr. Áskerılerdiń aıtýynsha, olar qas qaraıǵanǵa deıin kóshkin basyp qalǵan on múrdeni alyp shyǵýǵa árekettenbek.
Ázirge 39 adamnyń ajal qushqany anyqtalyp otyr. 400 týrıst pen olardy bastap júrgen mamandar qutqaryldy. Kópshiliginiń bet-qoldaryn úsik shalǵan.
