Neo Nomad vızasyn onlaın rásimdeýge bola ma - mınıstr jaýaby
ASTANA. KAZINFORM – Neo Nomad vızasy arqyly shetel azamattary Qazaqstanda jyl boıy tura alady. Tolyǵyraq Týrızm jáne sport mınıstri Erbol Myrzabosynov aıtyp berdi.
- Týrızm salasyndaǵy taǵy bir mańyzdy shara, ótken jyldyń sońynda Neo Nomad vızasy engizildi. Ol sheteldik azamattarǵa Qazaqstanda jyl boıy turýǵa múmkindik beredi. Qazir vızany Qazaqstan Respýblıkasynyń shet elderdegi mekemeleri arqyly ǵana rásimdeýge bolady, - dedi Erbol Myrzabosynov Úkimet otyrysynda.
Osy oraıda mınıstr vızany kóshi-qon portaly arqyly elektrondy formatta rásimdeý múmkindigin engizýdi usynyp otyr.
- Sonymen qatar vızanyń aýdıtorııasyn keńeıtý maqsatynda Syrtqy ister mınıstrligi men Mádenıet jáne aqparat mınıstrliginiń resýrstary arqyly týraly Neo Nomad vızasy jaıly nasıhatty kúsheıtý qajet, - deıdi ol.
Eske sala ketsek, byltyr qarashada Memleket basshysy Qasym-Jomart Toqaevtyń tapsyrmasy boıynsha Neo Nomad dep atalatyn jańa vıza túri engizildi. Bul vıza zamanaýı kóshpendilerge – saıahattap, qashyqtan jumys isteıtin sheteldik týrısterge arnalǵan.
Aıta keteıik, Neo Nomad vızasynyń alǵash ıegeri – energetıka jáne qarjy salasynda tájirıbesi bar Ulybrıtanııa azamaty Sertach Iener.
Bıyl qańtarda Kazakh Tourism ulttyq kompanııasy taǵy eki sheteldik azamatqa zamanaýı kóshpendilerge arnalǵan Neo Nomad Visa berilgenin habarlady.
Sondaı-aq Kazinform tilshisi Neo Nomad vızasynyń alǵashqy ıesinen suhbat alǵan edi.