Nensı Pelosıdiń jubaıyna shabýyl jasaldy
ASTANA. QazAqparat – AQSh Kongresi Ókilder palatasynyń spıkeri Nensı Pelosıdiń kúıeýine San-Frantsıskodaǵy úıinde shabýyl jasaldy, dep habarlaıdy QazAqparat evronews.com agenttigine silteme jasap.
82 jastaǵy Pelosı aýrýhanaǵa jetkizildi. Shabýyldaýshy ustaldy, oǵan aıyp taǵyldy.
Osyǵan deıin amerıkalyq buqaralyq aqparat quraldarynyń ókilderi shabýyldaýshynyń kózdegeni spkerdiń ózi bolǵanyn, alaıda onyń shabýyl kezinde úıde bolmaǵanyn jazǵan edi.
BBC-diń habarlaýynsha, AQSh-tyń Ókilder palatasy spıkeriniń kúıeýine shabýyl jasaǵan adamǵa kisi óltirýge oqtalý áreketi boıynsha aıyp taǵylady.
Juma kúni keshkisin polıtsııa shabýyl jasaǵan adamnyń kim ekenin aıtty. Ol 42 jastaǵy Devıd Depeıp. San-Frantsıskonyń polıtsııa bastyǵy Ýılıam Skott shabýyldaýshyǵa qarý qoldanyp, kisi óltirýge oqtalý jáne ózge de birneshe qylmystyq áreket boıynsha aıyp taǵylatynyn aıtty.
Sýret: bbc.com
