Nenad Erıch «Astana» fýtbol klýbynyń 2012 jylǵy maýsymdaǵy úzdik legıoneri atandy
ALMATY. 8 jeltoqsan. QazAqparat - «Astana» fýtbol klýbynyń saıtynda kezekti saýalnama qorytyndysy jarııalandy.
Aptalyq daýys berý nátıjesinde serbııalyq qaqpashy Nenad Erıch úzdik legıoner dep tanyldy. Oǵan jankúıerlerdiń 26,25 paıyzy daýsy bergen. Úzdik úshtikti Ortalyq Afrıka Respýblıkasy quramasynyń múshesi Foksı Ketevoama (25,25) men chernogorııalyq Damır Koıashevıch (24,2%) túıindedi.
1982 jyly 26 mamyrda Serbııanyń Pojega qalasynda dúnıege kelgen Nenad Erıch fýtboldaǵy mansabyn 1992-2002 jyly týǵan qalasyndaǵy «Sloga» komandasynda bastaǵan bolatyn. Sodan keıin 2002 jyly «Radnıchkı», 2003 jyly «Bıg Býl», 2004 jyly «Machva», 2006-2008 jyldary «Borach» komandalarynda óner kórsetti. 2008 jyly Reseıdiń «Dınamo», al 2008-2009 jyldary «Sibir» komandalarynda óner kórsetip, 2010 jyly Qazaqstanǵa aýysty. Munda aldymen Almatynyń «Qaırat» komandasynda óz baǵyn synaǵan ol, 2011 jyldan beri «Astana» namysyn qorǵap júr.
