Nemisterdiń kópshiligi zeınetke merziminen buryn shyǵady

ASTANA. KAZINFORM — 2024 jyly jańa zeınetkerlerdiń tek 40%-y ǵana zańmen belgilengen zeınet jasyna deıin jumys istegen (2024 jyly bul jas — 66, al bolashaqta — 67 jas bolady), dep habarlaıdy DW Berliner Zeitung Germanııanyń Zeınetaqy saqtandyrý qorynyń derekterine silteme jasap.

Atalǵan derekterge sáıkes, 2024 jyly shamamen 937 000 adam alǵash ret kárilikke baılanysty zeınetaqy alǵan. Olardyń ishinde shamamen 559 000 adam ártúrli sharttarmen merziminen buryn zeınetke shyqqan.

Olardyń ishinde shamamen 225 200 adam uzaq eńbek ótili bar saqtandyrylǵan azamattar retinde az mólsherde zeınetaqy alýǵa kelisim bergen. Bul kem degende 35 jyl eńbek ótili bar qyzmetkerlerge qatysty. Olar 63 jastan bastap zeınetke shyǵa alady, biraq belgilengen zeınet jasyna deıin ár aı úshin ómir boıy 0,3% zeınetaqydan aıyrylyp otyrady. Mysaly, bir jyl buryn shyqsa — 3,6%-ǵa az alady. Eki jyl buryn — 7,2%-ǵa, jáne sol sııaqty.

Al erekshe uzaq eńbek ótili bar (45 jyl) saqtandyrylǵan azamattarǵa qatysty bul shekteýler qoldanylmaıdy, eger olar eń tómengi jasqa jetse. 2024 jyly bul jas — 64 jastan sál asqan.

Ortasha eseppen alǵanda, Germanııa turǵyndary 64,7 jasta zeınetke shyǵady.

Buǵan deıin habarlanǵandaı, Germanııada jumyssyzdar sany úsh mıllıonnan asty.