Nemisterdiń 45%-y jasandy ıntellektti qaýip retinde baǵalaıdy

ASTANA. KAZINFORM — Germanııada turǵyndardyń jartysyna jýyǵy jasandy ıntellekt áserinen ómir sapasynyń nasharlaýyn kútedi, dep habarlaıdy DW.

Germanııa turǵyndarynyń 45%-y kelesi bes jylda jasandy ıntellekt (JI) qoldanylýynan ómir sapasy nasharlaıdy dep esepteıdi, al 38%-y jaqsarýyn kútedi. Bul Deutschlandtrend júrgizgen saýalnama nátıjesinde belgili boldy. Saýalnama 30-31 naýryz aralyǵynda 1316 adam arasynda telefon jáne onlaın arqyly ótkizilgen.

Qatysqandardyń úshten ekisi (64%) JI jumyspen qamtýdy qysqartýy múmkin dep sanaıdy. Sondaı-aq, 90%-dan astam adam JI jalǵan jańalyqtar men dıpfeıkter arqyly aqparatty senimdi ajyrata almaıtyndaı qaýip tóndiredi dep baǵalaǵan.

Eń optımıstik pikirdi «Soıýz-90/Jasyldar» partııasynyń jaqtaýshylary bildirse (52%), eń pessımıstik — solshyl partııa jaqtaýshylary (55%). Sonymen qatar «Germanııaǵa alternatıva» partııasy jaqtaýshylarynyń jartysyna jýyǵy tehnologııalarǵa senbeıtinin aıtqan.

JI áli kúnge deıin jumys ornynda keńinen qoldanylmaıdy. Tek ár besinshi nemis azamaty ony turaqty túrde paıdalanady, al kópshiligi — óz qalaýynsha qoldanady. Ifo ınstıtýtynyń dereginshe, kompanııa arqyly engizilgen JI oqytý múmkindikterin arttyryp, baqylaýdy kúsheıtedi.

Budan buryn byltyr nemister úısizderge kómektesý úshin rekordtyq soma jınaǵanyn jazǵanbyz.