Byltyr nemister úısizderge kómektesý úshin rekordtyq soma jınady

ASTANA. KAZINFORM — Germanııada jarty mıllıonǵa jýyq adamnyń óz úıi joq. Olardyń deni memlekettik baspanalarda nemese týystary men dostarynyń úıinde turady, dep habarlaıdy DW.

— Germanııada turǵyn úı naryǵy shıelenisken másele. Elde páterden shyǵaryp jiberý jaǵdaıy kóbeıip barady. Degenmen olarǵa kómektesetinder sany da artyp keledi. Nátıjesin Spiegel anyqtaıtyn amerıkandyq GoFundMe platformasynyń taldaýy boıynsha nemister qaryzy bar jalǵa alýshylar men úısizderge jıi aqsha aýdarady, — delingen habarlamada.

Basylymnyń málimetinshe, 2025 jyly platforma turǵyn úıge qatysty naýqandar arqyly shamamen 6,8 mıllıon eýro jınady. Bul 2024 jylmen salystyrǵanda aıtarlyqtaı kóp, ol jyly kórsetkish 2,3 mıllıon eýro boldy.

Sondaı-aq byltyr «baspana», «jalǵa alý», «kóshirý» jáne «úısiz qalý» kilt sózderimen 5 000-ǵa jýyq qarajat jınaý aktsııasy ótti. Al 2024 jyly 2 400 shara uıymdastyrylǵan.

Germanııada jarty mıllıonǵa jýyq baspanasyz adam bar, olardyń kópshiligi memlekettik baspanany nemese týystary men dostarynyń úıin panalaıdy.

Úkimettiń esebine sáıkes, 2024 jyldyń basynda 47 300 adam kóshede túnep, ýaqytsha baspanalarda ómir súrgen. Al eki jyl buryn olardyń sany 10 myńǵa az edi. Úısizderdiń kóbeıgeni azdaı, qazir elde páter jaldap turatyndardy shyǵaryp jiberý jaǵdaıy da kóbeıgen. 

Aıta keteıik, Germanııada jumys oryndary qysqaryp jatyr.