Nemister aptasyna rekordtyq deńgeıde kóp jumys isteıdi

ASTANA. KAZINFORM — Vısbadendegi Federaldyq demografııalyq zertteýler ınstıtýtynyń málimdeýinshe, Germanııa turǵyndary aptasyna orta eseppen 29 saǵat jumys isteıdi – bul el birikkennen bergi eń joǵary kórsetkish, dep habarlaıdy DW. 

Federaldyq demografııalyq zertteýler ınstıtýty (BiB) seısenbide, 12 tamyzda jarııalanǵan taldaýǵa sáıkes, nemister jan basyna shaqqandaǵy jumys saǵattary boıynsha jańa rekord ornatty. Avtorlar nemister aptasyna ortasha 29 saǵatty jumysqa jumsaıtynyn anyqtady, bul el birikkennen bergi eń joǵary kórsetkish.

Bul statıstıka Germanııanyń 20 men 64 jas aralyǵyndaǵy barlyq turǵyndaryna, olardyń qazirgi jumys jaǵdaıyna qaramastan qamtyǵan. 

— Statıstıkaǵa aptasyna nól saǵat isteıtin jumyssyz adamdar da endi, - dep túsindirdi zertteý avtorlarynyń biri Harýn Sýlak KNA aqparattyq agenttigine.

Sýlak jan basyna shaqqandaǵy jumys ýaqytynyń ósýi, ásirese áıelder arasynda baıqalatynyn atap kórsetti. Eger 1991 jyly olar erlerge qaraǵanda 14 saǵat az jumys istese, qazir bul aıyrmashylyq aptasyna 9 saǵatqa deıin qysqardy.

Degenmen, zertteýshiler «áıelderdiń, ásirese analardyń ıdealdy dep sanaıtyn jumys ýaqyty qazirgi ýaqyttaǵydan da joǵary» dep atap kórsetedi.

Eske sala keteıik, Germanııada 16 jasqa deıingi balalarǵa TikTok pen Instagram-ǵa tyıym salý usynyldy.