Nemistiń Magdebýrg qalasynda er adam júrginshilerge pyshaqpen shabýyl jasady
ASTANA. QazAqparat - Nemistiń Magdebýrg qalasynda (Saksonııa-Anhalt federaldyq jeri) pyshaqpen qarýlanǵan er adam ótip bara jatqan júrginshilerge shabýyl jasady. Lenta.ru saıtynyń Focus Online basylymyna silteme jasap habarlaýynsha, keminde bes adam jaraqat alǵan.
Oqıǵa dúısenbi kúni, 8 tamyzda, tústen keıin boldy. Qaskóı áýeli jasóspirimge shap berip, ony uryp-soqty jáne tonady, odan keıin 64 jastaǵy áıelge jaraqat saldy. Ol aýrýhanaǵa jetkizildi, onyń ómirine qaýip joq. Budan keıin, portaldyń habarlaýynsha, keminde taǵy úsh adam jaraqat alǵan.
Polıtsııa shabýyl jasaǵan adamdy izdestirýde, tikushaq jumyldyrylǵan, dep habarlady Augsburger Allgemeine. Qylmysqa kúdiktelgen adamnyń jasy 25-35-ter shamasynda. Onyń bul áreketiniń sebebi ázirge belgisiz.
