Nemistiń barlaý qyzmeti kıber tyńshylarmen kúresetin bólim ashty
ASTANA. 26 naýryz. QazAqparat - Germanııayń federaldy barlaý qyzmeti vedomstvolar men ónerkásiptik kásiporyndardyń kıber qaýipsizdigine jaýap beretin arnaıy bólimdi uıymdastyrmaq.
Bul jaıynda barlaý qyzmetiniń basshysy Gerhard Shındler býndestag depýtattaryna málim etti, dep habarlaıdy RBK.
Jańa bólimde halyqaralyq hakerlerge qarsy turýǵa qaýqarly 130 maman iriktelinip jatyr. Germanııanyń kıber qaýipsizdigine negizgi qater Qytaı tarapynan tónip turǵan kórinedi. Onda áskerı vedomstvonyń 6 myń qyzmetkeri joǵary tehnologııalar týraly aqparatty jymqyrýmen aınalysady-mys.
Shındlerdiń sózine qaraǵanda, hakerlermen yntamaqtastyq baǵytynda vedomstvo qyrýar qarjy jumsaıdy eken. Budan keıin endi kıber tyńshylyqpen kúres úshin nemis ýnıversıtetterin támamdaǵandar arasynan kandıdattardy irikteý jumystaryn júrgizý josparlanýda.
