Nemister Shveıtsarııadan kapıtaldaryn úreımen alyp shyǵýda
ASTANA. 5 qyrkúıek. QazAqparat - Shveıtsarııaǵa halyqaralyq qysym kúsheıýde jáne el bıligi bankterden kúmándi salymshylarmen jumys isteýdi toqtatýdy talap etedi. Nátıjesinde nemis salyqtan jaltarýshylary asyǵys túrde óz aqshalaryn Shveıtsarııadan alyp shyǵýda: ótken jyly GFR kedenshileri óz azamattarynan 20 mln maǵlumdanbaǵan eýrony taýyp alǵan, dep habarlaıdy RBK.
Lerrahtaǵy kedendik baqylaý basqarmasy ókili Markýs ıÝkkerttiń sózine qaraǵanda, salyqtan jaltarýshylardyń kóptegen baılyqtary ǵana emes, sonymen qatar tapqyrlyqtary da jetedi. Máselen, bir 72 jastaǵy zeınetker shekarany ótip kele jatyp, ústine áıelder korsetin kıip, onyń astyna 150 myń eýrony tyǵyp alǵan. «Kelesi jaǵdaıda er adam ózimen birge birneshe arnaıy ýrologııalyq tósem alyp júrgen, olardyń arasynan biz 140 myńdaı eýro taýyp aldyq», - dep habarlady Bloombergke ıÝkkertt.
Nemis zańdary boıynsha, eger soma 10 myń eýrodan asatyn bolsa, alyp kele jatqan aqshany maǵlumdaý qajet. Aıtalyq, tek qana bavarııalyq Lındaýda jergilikti kedendi «aýlaý» 2 mln eýrony qurady. Bul bólimsheniń qyraǵy sheneýnikteriniń eń esten ketpes oljasy rojdestvolyq pirándik úıshigine tyǵylǵan 25 myń eýro boldy.
Degenmen, salyq jáne keden zańnamalaryn buzýshylardyń barlyǵy mundaı tapqyrlyqpen kózge túspeıdi. Aıtalyq, Zıngendegi kedendik beket ókili Haralda Gabeleniń sózine qaraǵanda, bir zeınetker jubaılar juby aqshany óz aıaq kıimderine tyǵyp alǵan, al basqa bir jaǵdaıda iri aqsha somasyn avtokólik akkýmýlıatorynyń astyna tyǵa salǵan. «Biz adamdar arnaıy belbeý kıip, aqshany tyǵyp alatyn nemese jaı ǵana óz ishki kıimderine jasyratyn jaǵdaılarmen de únemi kezdesip turamyz», - deıdi Gabele.
Shveıtsarııada tek mıllıonerler ǵana bankten esepshot ashpaıdy. Sheteldik týrıster arasynan munda nemister basym bolǵandyqtan, salyqtan aqshany kórshi elge alyp qashý GFR azamattary úshin halyqtyq sport túrine aınaldy, dep sanaıdy burynǵy tergeýshi-qarjy ınspektory, qazirgi salyq jónindegi keńesshi Frank Verhaım. Saladaǵy 30 jyldyq jumys tájirıbesi bar sarapshy salyqtan jaltarýshylar arasynda «dárigerler men taksı júrgizýshileri kóp» ekenin atap aıtty.
Dál sol sebepti nemis kedenshileri tek aqsha jasyrylǵan oryndardy ǵana izdemeıdi, sonymen qatar, tekserý kezinde tabylǵan qujattardy muqııat qaraıdy. «Tutas bir bank kóshirmeleriniń papkasyn qolda ustaǵannyń ózi óte jaqsy», - dep dáıekteıdi Bloomberg Boden ózenindegi Lındaý baqylaý bólimshesiniń bastyǵy Georg Krıýgerstiń sózin keltirip. Tabylǵan qujattar tıisinshe salyq ınspektsııasyna beriledi, olar tekserýden ótkiziledi. «Ótken jyly biz taýyp alǵan qujattardyń arqasynda shetel bankterinde Germanııada salyǵy tólenbegen 1,3 mlrd eýro tabylǵany týraly aqparat alyndy», - dep áńgimeledi Ýlmadaǵy aımaqtyq kedendik baqylaý basqarmasnyń ókili Hagen Kolmann.
