Nemis jýrnaly Golovkındi 2016 jyldyń eń úzdik boksshysy dep atady
ASTANA. QazAqparat - Box Sport jýrnaly qazaqstandyq Gennadıı Golovkındi (36-0, 33 KO) kásipqoılar arasynda 2016 jyldyń eń úzdik sheteldik boksshysy dep atady, dep habarlaıdy Sports.kz.
Golovkın bul nomınatsııada ýkraındyq boksshy Vasılıı Lomachenko (7-1, 5 KO) men amerıkalyq Andre Ýordty (31-0, 15 KO) basyp ozdy.
Ótken jyly GGG rıngke eki ret shyǵyp, sáýir aıynda amerıkalyq Domınık Ýeıdti (18-1, 12 KO) jáne qyrkúıekte brıtandyq Kell Brýkty (36-1, 25 KO) nokaýtqa jiberdi.
Aıta keteıik, Box Sport basylymynyń muqabasyna Golovkın - Brýk aıqasynyń sáti beınelengen.
