Nemis telearnasy Pýtın týraly derekti fılm túsiredi
ASTANA. 18 qazan. QazAqparat - ARD nemis telearnasy Reseı premer-mınıstri Vladımır Pýtın týraly 75 mınýttyq derekti fılminiń túsirilim jumystaryn bastap ketti.
«Izvestııa» gazetiniń habarlaýynsha, fılm 2012 jyldyń naýryz aıynda jaryqqa shyǵady dep josparlanýda. Nemis jýrnalısteri premerdiń Qytaıǵa jasaǵan saparynda birge baryp, 14 qazanda úkimet prezıdıýmynyń otyrysyna qatysty. ARD tilshisi Gýbert Zaıpeldiń aıtýyna qaraǵanda, onyń jumys toby búgin V.Pýtınmen birge TMD men Kedendik odaq máselelerin talqylaý úshin Sankt-Peterborǵa barady.
Belgili bolǵandaı, túsirilim jóninde usynysty ARD telearnasy ózi jasaǵan. Nemis derekti fılmi úshin V.Pýtın arnaıy úlken suhbat beredi. Ázirge túsirilim kúni bekitilgen joq, alaıda túsirý jumystary Jańa jyldan keıin bastalady dep josparlanýda. Ol suhbat BAQ-qa jarııalanbaıdy, nemis jýrnalısteriniń RF premerimen suhbatyn tek ARD derekti fılminen tamashalaýǵa bolady.
Fılm premerdiń jeke ómirine bas suqpaıdy, kartına tek V.Pýtınniń kásibı qyzmetine arnalǵan.
