Nemis sýretshisiniń «Pıkseldi» kartınasy 20,3 mıllıon eýroǵa satyldy

BERLIN.QazAqparat – Bir ǵana óner týyndysy 20,3 mıllıon eýroǵa satyldy. Alaıda, Nıý-Iorktegi saýda-sattyqtyń bul nátıjesi naǵyz sarapshylardy tań qaldyrmady. Óıtkeni, áńgime Gerhard Rıhterdiń (Gerhard Richter) sýreti jaıly bolyp otyr. 91 jastaǵy sýretshini ónertanýshylar «21 ǵasyrdaǵy Pıkasso» dep ataıdy, dep habarlaıdy QazAqparat DW-ge silteme jasap.

AQSh - ta aýktsıonda satylǵan «4096 tús» kartınasy - sýretshi 1966 jyldan 1974 jylǵa deıin jumys istegen «túster» tsıklindegi jumystarynyń biri. Bul tsıklde sýretshi qyzyl, kók, sary jáne jasyl tústerdi qoldanyp, tórt myńnan astam túrli tondardy shyǵardy.

Dál osy tústi kvadrattar Keln sobory úshin «pıksel» vıtrajynyń negizin qalady. Vıtrajdar 11500 shyny sharshylardan 72 tústen turady. Ol 2007 jyly gotıkalyq soborda ornatyldy.

Gerhard Rıhter Kelnde turady, biraq kópshilik kózine túse bermeıdi. Drezden týmasy - álemdegi eń tabysty zamanaýı sýretshilerdiń biri. Onyń týyndylaryn eń tanymal murajaılardyń zaldarynan kórýge bolady. Jáne olar rekordtyq baǵaǵa satady. Mysaly, 1993 jyly boıalǵan Rıhterdiń «Jasyl-Qyzyl-Kók 789-33» kartınasy Kelndegi aýktsıonda 533 400 eýroǵa satyldy, bul Sotheby's aýktsıon úıiniń málimeti boıynsha, bastapqy baǵadan áldeqaıda kóp.