Nemis provıntsııasyn tabylǵan bombanyń saldarynan kóshiredi
ASTANA. 3 jeltoqsan. QazAqparat - Nemistiń Koblents qalasynda ekinshi dúnıejúzilik soǵysy kezeńinen qalǵan áýe bombasy tabylǵan soń, onyń 45 myń turǵynyn kóshirý týraly sheshim qabyldandy. Bul demalys kúnderi nemis saperleri jarylmaǵan oq ishindegi mınany alyp tastaýmen aınalysady. 1400 kg. jarylǵysh zattan turatyn bomba Reınnen, ózendegi sý deńgeıi azaıǵanda tabyldy.
Koblents bıligi bombany zararsyzdandyrý isi júrgizilgen ýaqytyna qalanyń jarty turǵyndaryn kóshirý týraly jarııalady. Eki aýrýhana, qarttar úıleri men túrme adamdaryna qatysty mindetti kóshirý ekinshi dúnıejúzilik soǵys aıaqtalǵan ýaqyttan beri Germanııadaǵy eń iri bolyp tabylady. Koblents qalasynyń órt sóndirý bóliminiń qyzmetkeri Manfred Morshhaýzerdiń aıtýynsha, «jarty qalany kóshirý qajettiligine qaramastan, turǵyndar bul keń kólemdegi sharaǵa túsinistikpen qarap jatyr».
