Nemis mınıstri nemerelerge kútim jasaý boıynsha demalysty engizýdi usyndy
ASTANA. 18 naýryz. QazAqparat - Germanııada nemerelerge kútim jasaý boıynsha demalysty engizý kerek, dep sanaıdy Otbasy, qart adamdar, áıelder jáne jastar isteriniń mınıstri . Onyń bastamasy týraly 14 naýryzda Sueddeutsche Zeitung jazady.
Shrederdiń pikirinshe, nemis ájeleri men atalaryna olardyń nemerelerine kútim jasaý nıetin bildirgen jaǵdaıda úsh jyldyq demalysqa shyǵý múmkindigin berý kerek. Alaıda, osyndaı demalysqa ketetinderge qosymsha qarjylyq kómek ázirshe qarastyrylmaǵan.
Shrederdiń oıynsha, nemerelerge kútim jasaýdyń úsh jyldyq demalysy bólinip paıdalanyla alady. Osylaısha, demalystyń eki jylyn keıinge «qaldyryp», ony keıin, nemeresi 14 jasqa deıin jetkenshe paıdalanýǵa bolady.
Qazirgi ýaqytta GFR-dyń jumys istep júrgen azamattary nemerelerine kútim jasaý boıynsha demalysyna tek belgili jaǵdaılarda shyǵa alady. Mysaly, eger ájesi nemese atasy óz nemeresimen bir úıde tursa nemese balanyń ata-anasynyń bireýi kámelettik jasqa jetpegen bolsa. Sondaı-aq Germanııa azamattary nemeresine kútim jasaý boıynsha demalysqa onyń ata-anasyna kezinde oqýyn tastaýǵa týra kelgendikten jáne qazir ony jalǵastyrǵysy keletindikten shyǵa alady.
Shreder keltirgen málimetter boıynsha, qazirgi kezde nemis otbasylarynyń jartysynan kóbinde ájeleri men atalary nemerelerimen otyrady. Biraq mınıstr olardyń óz erkimen nemese tek qajettilik týǵandyqtan otyrǵandaryn naqtylaǵan joq. Mysaly, kóptegen ata-analarǵa óz balalaryn balabaqshalarda oryndardyń jetispeýshiliginen áje-atalarymen qaldyrýǵa týra keletini belgili.
Bılik ókilderi 2013 jylǵa qaraı balabaqshalarda 750 myń jańa oryn quryp, sol arqyly úsh jasqa deıingi árbir úshinshi balany balabaqsha tárbıesine jiberýge dámelenip otyr. 2013 jyldan bastap úkimet jasy 1 men 3-tiń arasyndaǵy árbir balaǵa aıyna 150 eýro tóleýdi josparlaýda. Mınıstrliktiń aldynda sondaı-aq jaqyn jyldary bilikti tárbıeshilerdiń jetispeý máselesin sheshý mindeti tur.
