Nemis memlekettik banki qatelesip 4 mlrd eýro aýdaryp jibergen
ASTANA. QazAqparat - Nemis memlekettik Kreditanstalt fur Wiederaufbau (KfW) banki tehnıkalyq aqaý saldarynan tórt banktiń esebine 5,4 mıllıard eýro aýdaryp jibergen. Bloomberg-ke silteme jasap Lenta.ru habarlaǵandaı, oqıǵa osy jylǵy aqpanda oryn alǵan.
KfW qyzmetkerleri júıeniń durys istemeı turǵanyn birden baıqap, operatsııany toqtatyp úlgergen, oqıǵa taldanǵannan keıin, qatelik anyqtalyp, joıyldy.
«Barlyq qarajatty qaıtaryp úlgerdik. Bolǵan jaǵdaıǵa ókinish bildiremiz, bul jaǵdaı júıeni durys rettemegennen bolýy múmkin», - dep naqtylady qarjy uıymynda.
2008 jyly KfW amerıkalyq Lehman Brothers ınvestbankke qatelesip 300 mıllıon eýro (427 mıllıon dollar) aýdarǵan. Artynsha amerıkalyq bank bankrottyǵy týraly habarlaǵan. Nemis membanki aýdarym qateleskennen bolǵanyn aıtty. BAQ KfW-ti «Germanııanyń eń aqymaq banki» dep atady.
