Nemis mamany kıikterdiń qyrylýyna «Protonnyń» tikeleı áseri joq ekenin aıtty
ASTANA. QazAqparat - «Kıikterdiń qyrylýyna «Proton» zymyrandarynyń tikeleı áseri joq». Frankfýrt zoologııalyq qoǵamynyń ókili Shtefan Tsýter «Astana» telearnasyna bergen suhbatynda osylaı dedi.
Ǵalym ólekselerdiń synamasy elimizdiń úsh óńirinde de aram qatqan janýarlardyń bir indetten qyrylǵanyn kórsetti deıdi. Aıtýynsha, bul - ınfektsııalyq aýrý. Sondaı-aq, Tsýter qajet bolǵan jaǵdaıda kıikter qyrylǵan jerlerden alynǵan synama Eýropaǵa jóneltiletinin aıtty.
«Biz, belgili aqparatqa súıensek, mundaı nusqa orynsyz. Óıtkeni kıikter bir emes, birneshe aımaqta qyrylyp jatyr. Al raketalar qulaǵan aımaqtar múldem basqa», - deıdi ol.
Degenmen, Orman sharýashylyǵy jáne janýarlar dúnıesi komıtetiniń tóraǵasy Baǵdat Azbaev: «Aýyl sharýashylyǵy mınıstrligi mamandary barlyq versııalardy egjeı-tegjeıli tekseredi, - deıdi. Eshbir versııa nazardan tys qalmaıdy. Jumys toby quryldy. Infektsııany, ózge de nusqalardy qarastyramyz, zerttep, anyǵyna kóz jetkizemiz».
