Nemis kemeleri Jerorta teńizinde 700-den astam mıgrantty qutqardy

NUR-SULTAN. QazAqparat – Germanııa kemeleri Eýropaǵa ótpek bolyp Soltústik Afrıkadan kele jatqan 730-ǵa jýyq mıgrantty qutqardy, dep habarlaıdy QazAqparat Deutsche Welle-ge silteme jasap.

Atap aıtqanda, «Sea-Watch 3» qutqarý kemesiniń ekıpajy bortqa barlyǵy 394 adam alǵan. Endi olar Malta porttaryna nemese Italııanyń ońtústigine kirýge ruqsat kútýde.

«Humanity 1» kemesi Lıvııa aýmaǵyndaǵy sýlardan rezeńke qaıyqqa tola mingen 25 adamdy qutqardy. Keme bortynda qutqarylǵan barlyǵy 208 mıgrant bar. Olardyń kóbi jaraqat alǵan. Aman qalǵandardyń aıtýynsha, jaraqattar negizinen Lıvııadaǵy zorlyq-zombylyqqa baılanysty.

129 mıgrant mingen «Sea-Eye 4» kemesi de Malta nemese Italııa bıliginen portqa kirý úshin ruqsat kútýde. Qutqarýshylar sońǵy kúnderi izdestirý jumystary kezinde bul elderdiń bıliginen eshqandaı kómek kórmegenine shaǵymdanyp otyr.

Italııa Іshki ister mınıstrliginiń sońǵy málimeti boıynsha, jyl basynan beri el jaǵalaýyna 62 800-den astam mıgrant jetken. Ótken jyldyń sáıkes kezeńinde olardyń sany 41 myń adamdy qurady.

Foto: dw.com