Nemis kásipkeri «elektrondy ımam» oılap tapty
ASTANA. QazAqparat - Germanııada The Imam App mobıldi qosymshasy paıda boldy. Alaıda, bul ónertabys qubylaǵa bet burǵan álemniń barsha musylmandaryna qoljetimdi bolýy úshin mol qarajat qajet etedi.
«Alǵash namazǵa jyǵylǵanda arab tilinde súre, duǵa jattaý azdap qıyndyq týǵyzdy. Bul qosymshany osyndaı qıynshylyqtardy jeńildetý maqsatynda jasadym», - deıdi The Imam App-ti oılap tapqan nemis kásipkeri S.Mattıas Mende.
Aıta ketý kerek, Mende 2008 jyly haq dindi qabyldaǵan kezde musylman jurtshylyǵyna paıdasy mol qurylǵy oılap tapqan edi. Ol qurylǵy namaz ýaqyttaryn dál kórsetip, qubyla baǵytyn anyqtaýǵa kóp kómegin tıgizip, jamaǵatty bir qýantyp tastaǵan bolatyn, dep habarlaıdy «Nur Astana» ortalyq meshitiniń resmı saıtynda.
