Nemis ǵalymy ózin 150 jyl tońazytqyshta saqtamaqshy
ASTANA. QazAqparat - 75 jastaǵy nemis ǵalymy Klaýs Sames óz aǵzasyn bolashaqta bıologııalyq fýnktsııalaryn qalpyna keltirý úshin krıkonservatsııa ádisimen muzdatyp qatyryp tastamaqshy, dep habarlaıdy ITAR-TASS.
Professor Amerıkanyń «Krıonıka ıntıtýty» kommertsııalyq emes uıymymen kelisimshart jasasyp ta qoıǵan. Onyń muzdatylǵan denesi adamzat tońazytylǵan jasýshalardy tiriltýdi úırengenshe saqtalady. Samestiń denesi mınýs 196 gradýsqa deıingi salqyndyqta saqtalady. Mıy jumysyn toqtatqannan keıin ony kesek-kesek muzdar salynǵan jáshikke salyp, AQSh-qa jiberýge daıyndaı bastaıdy. Keıin professordy Klınton-Taýnshıp qalasyndaǵy Krıonıka ınstıtýtynyń shtab-páterine jetkizedi. Onda onyń tamyrlarynan qan sorylyp, ornyna arnaıy eritindi quıylady. Sames atalǵan qyzmet úshin kúni krıonıka ınstıtýtyna 21 myń eýro tólegen. Jalpy krıonıkanyń negizin amerıkandyq ǵalym Robert Ettınger qalaǵan dep sanalady. 1962 jyly ol «Máńgilik ómir perspektıvalary» atty eńbek jazyp, sonysymen tanylǵan bolatyn. Bul kitap ǵylymı álemge aıtarlyqtaı áser etip, sodan onyń ıdeıalary birtindep qoldaý taba bastady.
