Nemis ǵalymdary tósekte jatyp aqsha tabýǵa keremet múmkindik jasamaq
NUR-SULTAN. QazAqparat - Nemis ǵalymdary eki aı boıy tósekten turmaı jatýǵa kelisetin eriktilerge 16.500 eýro mólsherinde aqy tólemek. Bul týraly euronews.com habarlady.
Eksperımentti Kelndegi ǵaryshtyq zertteýler ortalyǵy uıymdastyryp otyr. Osy arqyly ǵalymdar uzaq ýaqyt boıy kóldeneń jatqan adam aǵzasyndaǵy ózgeristerdi túsinýge áreket jasamaq.
Bir belgilisi, uzaq ýaqyt boıy salmaqsyzdyq kúıinde bolý súıekter men bulshyqetterdiń atrofııasyna sebep bolyp, júrek-qan tamyry belsendiligin báseńdetedi, aǵzadaǵy suıyq deneniń joǵarǵy bóligine qozǵalýǵa umtylady. Budan bólek, qımylsyz jata berý bastyń aınalyp, júrek aınýyna, vestıbýlıarlyq apparat jumysynyń buzylýyna, jalpy ımmýnıtet júıesiniń álsireýi men bel aýrýyna ákep soqtyrady.
Eksperımentke baıqaý jarııalaǵan Nemis aeroǵarysh agenttigi 60 kún boıy qımylsyz jatýǵa kelisim beretin 12 er adam men 12 áıeldi iriktep almaq.
Aıta keteıik, eksperıment daıyndyq kezeńimen birge 89 kúnge sozylady.
