Nemis ǵalymdary klondaý arqyly minsiz jańajyldyq shyrshany jasap shyǵardy
ASTANA. 2 qańtar. QazAqparat - Gýmbold atyndaǵy Berlın ýnıversıtetiniń mamandary grýzın shyrshasynyń tuqymdaryn klondaý arqyly minsiz jańajyldyq shyrshany ósirip shyǵardy.
Bul týraly ýnıversıtettiń saıtynda ornalastyrylǵan aqparatta aıtyldy.
Sarapshylardyń aıtýynsha, synaqtar nátıjesinde paıda bolǵan aǵashtardyń pishini jáne túsi minsiz bolady. Olardyń qylqandary ýaqyt óte kele túspeıdi jáne jándikterdiń shabýylyna tózimdi. Ýnıversıtet mamandary bul shyrshalardy qaljyńdap «Frankenaǵashtar» dep ataıdy.
Birmezgilde zertteýlerge jetekshilik etetin professor Kýrt Tsoglaýerdiń atap ótýinshe, klondalatyn shyrshalardyń barlyǵy birdeı bola bermeıdi. «Biz olardyń pishini ár alýan bolatyndaı etip jasap shyǵardyq, árqaısysy ózinshe ádemi», - dedi ol. Ol sondaı-aq shyrshalar ornatylatyn úılerdiń kólemi de esepke alynatyndyǵyn aıtyp ótti.
Jyl saıyn Germanııa halqy 28 mln.-ǵa jýyq jańajyldyq shyrshany satyp alady. Olardyń úshten ekisi Grýzııadan, Abhazııadan jáne RF-dan ákelinedi.
