Nemis ǵalymdary COVID-19 juqtyrý qaýpi joǵary qan toptaryn anyqtady
BERLIN. Deutsche Welle-QazAqparat – Ǵalymdar COVID-19 ben qan toptary arasyndaǵy baılanysty kórsetetin eki jańa zertteý júrgizdi, dep habarlaıdy QazAqparat Deutsche Welle agenttigine silteme jasap.
Ǵalymdar Italııa men Ispanııadan kelgen koronavırýspen aýyratyn 1610 patsıentti zerttedi. Olardyń DNQ molekýlalary zertteldi. Anyqtalǵandaı, II qan tobyndaǵy adamdarda (qazirgi klassıfıkatsııaǵa sáıkes ony A qan toby dep te ataıdy) COVID-19 qaýpi aıtarlyqtaı joǵary. Atap aıtqanda, I qan tobyndaǵy adamdarmen (qazirgi klassıfıkatsııaǵa sáıkes 0 qan toby) salystyrǵanda eki ese kóp.
Birinshi qan tobyndaǵy adamdarǵa keletin bolsaq, jańa derekter olardyń koronavırýsqa qarsy ımmýnıtetin múldem kórsetpedi, bul olardyń COVID-19 vırýsynyń aýyr túrimen aýyryp shyǵý qaýpi barynsha az ekenin bildiredi.
Al III jáne IV qan tobyndaǵy nemese qazirgi klassıfıkatsııa boıynsha V jáne AB toptaryndaǵy koronavırýs juqtyrǵan naýqastarda COVID-19 vırýsymen aýyrýdyń aıqyn tendentsııasy baıqalmaıdy.
14 qazanda Blood Advances mamandandyrylǵan basylymynda taǵy eki zertteýdiń nátıjeleri jarııalandy.
Nemis jáne norveg ǵalymdary koronavırýsty juqtyrǵan jaǵdaıda I qan tobyndaǵy adamdarda aýrý jeńil túrde júredi degen tujyrymdaryn rastady. Grats medıtsınalyq ýnıversıtetiniń ǵalymdary qazir munyń sebebin bilýge tyrysyp jatyr.
