Nemis fýtbol quramasynyń qaqpashysy poıyz astyna túsip qaza tapty

Polıtseıler, sportshynyń  ózin  ólimge  qıǵanyna  kúmán keltirmeı  otyr.

32 jastaǵy Enke  Gannoverdiń  soltústik-batysyndaǵy temirjol   tarmaǵynda  aýyr   jaraqat  aldy.   Ol   Nordaıhtan   Gannoverge   bara jatqan    poıyzdyń astyna túsip,   oqıǵa bolǵan    jerde kóz jumdy,  dep   habarlaıdy QazAqparat  VVS  telekompanııasyna silteme  jasap.

«Robert  Enkeniń    qazasy týraly    habar  nemis  quramasy  úshin   esten tandyrarlyq   jańalyq  boldy»,  delingen    Germanııanyń Fýtbol odaǵynyń  (DFB) resmı    málimdemesinde.

Enke  Germanııa  quramasynyń  quramynda   alańǵa segiz ret   shyqty,  ol  sondaı-aq  2004 jyly   nemis  Býndeslıgasyna  «Gannoverdiń»  quramyna   oralǵansha, «Karl Tseıss Iena», «Borýssııa», «Benfıka», «Barselona», «Fenerbahche»  jáne  «Tenerıfe» komandalary  úshin oınady.

Enke  halyqaralyq   deńgeıge alǵash ret 29 jasynda shyqty  jáne    2008 jylǵy  Eýropa  chempıonaty  aıaqtalǵannan keıin  quramadan ketken  Iens Lemannyń   ornyna   kelip,    nemis quramasynyń birinshi  qaqpashysy    atanǵan  edi.