Nemis fızıgi fýtboldan bolashaq álem chempıonyn eseptep shyǵardy
ASTANA. Sáýirdiń 22-si. QazAqparat - Dortmýnd ýnıversıtetiniń fızıka ǵylymynyń professory formýla jasap, sonyń kómegimen 2010 jylǵy OAR-da ótetin fýtboldan álem chempıonyn eseptep shyǵardy. Frans-Press agenttiginiń habarlaýynsha, ǵalym Metın Tolannyń esepteýinshe, qurlyǵymyz birinshiliginde Germanııa quramasy jeńiske jetedi.
Formýla negizine nemis ulttyq komandasynyń munan burynǵy álem chempıonattaryndaǵy nátıjeleri alynǵan. Osylaısha, fızık-ǵalym nemis quramasynyń álem birinshilikterinde kórsetken ortasha nátıjesi - úshinshi men tórtinshi (3,7) oryndardyń orta sheni ekenin eseptep shyǵardy. Onyń ústine Germanııa úsh Álem chempıonatyn (ÁCh) - 1954, 1974 jáne 1990 jyldary jeńip aldy. Sóıtip, nemister árbir tórt-bes birinshilikti araǵa salyp, chempıon bolyp otyrǵan.
«Sońǵy ret Germanııa Álem kýbogyn 1990 jyly jeńip aldy, demek aldaǵy OAR-daǵy Álem chempıonaty sodan bergi besinshi birinshilik, al bul bıylǵy jyly bizdi jeńý múmkin emes degen sóz. Qazirden-aq shampan sharabyńyzdy salqyndata berýińizge bolady», - dep málimdedi nemis fızıgi.
