Nemis baıkerleri Óskemendegi Analar úıine qonaqqa keldi
ÓSKEMEN. QAZAQPARAT - Germanııa-Mońǵolııa baǵytynda saıahattap bara jatqan baıkerler Óskemenge jetti. Baıkerlikke qumar qala ákimi Qýat Tumabaevpen birge motoshabandozdar oblys ortalyǵy basshysynyń jumys grafıgi aıasynda Konstıtýtsııa kúnine oraı Óskemendegi Analar úıinde qonaqta boldy. Bul týraly qala ákiminiń baspasóz qyzmeti habarlady.
Analar úıinde sheteldik saıahatshylarǵa qazaqtyń dástúri kórsetildi. Ondaǵy 10 jasar Aısultandy súndetke otyrǵyzý rásimi ótkizildi. «Aısultanǵa uzaq ta baqytty ómir tileımin, joly dańǵyl bolsyn. Biz, qala ákimdigi Analar úıin únemi qoldaımyz. Bul - áleýmettik mańyzy zor joba», - dedi ákim Qýat Tumabaev.
Óskemende saıahatshy baıkerlerdi ertip júrgen Dáýren Álı qonaqtardyń qazaq halqynyń qonaqjaılylyǵy men Shyǵys Qazaqstan oblysynyń tamasha tabıǵatyna tamsanǵanyn aıtady. Onyń sózine qaraǵanda, baıkerlerdiń saıahaty bir aı buryn Germanııadan bastalǵan, osy ýaqytta olar 13 elden ótipti.
