Nemis baspasy Mıhaıl Gorbachevtiń ǵumyrnamalyq shyǵarmasyn basyp shyǵarý quqyǵyna ıe boldy
ASTANA. 4 sáýir. QazAqparat - Nemistiń "Hofman ýnd kampe" baspa úıi KSRO-nyń tuńǵysh ári sońǵy prezıdenti, beıbitshilik salasyndaǵy Nobel syılyǵynyń laýreaty Mıhaıl Gorbachevtiń ǵumyrnamasyn basyp shyǵarýdyń eksklıýzıvtik quqyǵyn ıelendi.
Bul týraly keshe kompanııa ókilderi málim etti, dep habarlady ITAR-TASS.
«Bul irgeli eńbek qazirdiń ózinde aıaqtalyp qaldy. Onda balalyq shaǵynan joǵarǵy memlekettik laýazymdaǵy jumysyna deıingi ǵumyrnamasy tolyq baıandalǵan», - dedi baspa ókilderi, sondaı-aq olar kitaptan oqyrmandar «buryn jarııalanbaǵan fotosýretterdi» kóretin bolady dep atap ótti.
"Hofman ýnd kampe" baspasynyń habarlaýynsha, Gorbachev ǵumyrnamalyq shyǵarmasymen jumysty zaıyby Raısa qaıtys bolǵannan keıin 1999 jyly bastaǵan. Ǵumyrnamalyq basylym kelesi jyldyń aqpan aıynan bastap kitap sórelerine shyǵarylmaq.
